पछिल्लो समय विदेशमा कलाकारको टूर बढ्न थालेसँगै विकृति र विवाद पनि सँगै आउन थालेका छन् । विशेषगरि, आयोजकले कलाकारलाई दुःख दिएका खबर सुन्न पाइन्छ ।

नेपालका चर्चित सांगीतिक समूहरू टूरमा जाँदा होस् या, नीजिरुपमा पनि कलाकार जाँदा, आयोजकले उचित व्यवहार नगरेको खबर आउन थालेका छन् । कलाकार स्वयमले यसबारे बोल्न थालेका छन् ।

‘अब सुन्छ अमेरिका’ यो विवादको पछिल्लो कडी बनेको छ । टूरकै क्रममा गायिका कला लम्साल बीचमै स्वदेश फर्किइन् । उनको स्वास्थ्य अवस्था नाजुक बनेपछि उनी स्वेच्छाले स्वदेश फर्किएको आयोजकको दावी छ ।

तर, लम्सालले आफ्नो जिम्मामा आयोजकले कलाकार लगिसकेपछि मानवोचित व्यहार नगरिएको गुनासो गर्छिन् ।